太古B、恒生指數、甲骨文 (Aug 17, 2026)

 前言

各位讀者，大家都知道我嘅YouTube暫時被封鎖，完全喪失賺錢能力，所以我又轉跑道，走返過嚟呢邊寫文章。基本上我每日都會出一篇文章，裏面包含三條新聞。可能我停了太耐冇寫文章，再重新開始，情況唔算理想，但現在已經過了一星期，我的讀者，慢慢歸來，每日嘅閱讀數量都在增加，所以我特登寫呢一段文字，出來多謝所有嘅讀者。如果唔嫌麻煩，希望你哋可以成為我嘅Follower，咁以後一有新文章出現，你哋便可以馬上得到通知！多謝各位幫忙！🙏🙏🙇‍♂️🙇‍♂️😊😊

News 1: 太古B (0087)抵過太古A (0019)

有喺YouTube嘅觀眾朋友，問我可唔可以講一講太古B，當然可以啦，今日就想講吓投資太古B好過投資太古A。點解呢？相信好多人都知道太古A和太古B的比例是1:5。即係一股太古A等同五股太古B。無論在股價上、在盈利上、在股息上的分派，都應該要用呢個比例。既然有咗呢一個比例，隨着時間的轉變，比例永遠都唔會固定在1:5的水平。

舉個例子吧，太古A現在的股價是$103，照這樣推斷，太古B的股價，應該是太古A的五分之一，即係太古B的股價大約$20.6。再看看現在太古B的股價是$15.25，即係低水咗，亦都可以講係着數咗。

再看看派息方面的比較。2025年，太古A每股派$3.8元，以現價原$103元作為基數，股息回報率大約有3.67%。至於太古B，每股派$0.76元，以現價$15.25元，股息回報率有4.98%。既然同一個集團，承受風險一樣，但太古B所得到嘅回報比太古A多。在一個理性的投資角度，肯定投資太古B好過太古A。

再看多一個事實，就是資產淨值的比較。太古A每股資產淨值$192.45元，而現價只是$103元，即係市賬率只有0.536。意思即是說，現在的股價，只有資產淨值的53.6%，理論上可以叫做抵買。

至於太古B呢？它的每股資產淨值是$38.5元，而現價只是$15.25元，即係市賑率只有0.396。意思即是說，現在的股價只及每股資產淨值的39.6%，理論上可以叫做「更加抵買」。

我本人都幾鍾意呢一間公司，它旗下還有太古地產 (1972)，每次走進它的太古廣場、和太古坊，都有一種非常舒服的感覺，咁即係話，這間公司的管理做得非常好，管理得好的公司，值得看高一線。另外，太古還持有國泰航空(293)，呢一間公司嘅服務水平，世界排名前三位，非常之好，我在能力範圍許可下，都會叫家人坐國泰航空的飛機，夠安全，夠舒服。

至於每日成交方面，大家都不用擔心，太古A和B每日的成交股數，大約在100萬股左右。所以理論上，唔會有買入容易賣出難的情況出現。不過最近這兩間公司的股價表現非常強勁，貼近全年高位，如果現在買入，恐怕會買到貴貨。如果對太古B有信心的話，一係慢慢收集，一係等股價隨大市向下調整的情況下，先再投資，咁就可以保證有更高的回報率，做到財息兼收的效果！

News 2: 恆指冇乜睇頭

在六月份，6月2日，星期二，恒生指數收報26,038，是全個月的低位。6月26日，星期五，恒生指數收報22,671。是全個月的高位。整個月的波動有3,361點，不錯吧，喜歡短炒的投資者，應該相當開心。

踏入七月份，7月2日，星期四，恒生指數報收23,055，是全個月的低位。7月31日，星期五，恒生指數報收25,884，是全個月的高位。整個7月的波動有2,829點，也算不錯，夠晒波動比好友和淡友互相廝殺。

踏入八月份，情況越嚟越糟糕，到目前為止，恒生指數的波動，在25,000 -26,000點之間，悶得令人費解。不但如此，踏入八月份之後，每日的成交金額，遠低於平均的$3,000億港元，情況不樂觀，損失的成交金額，越嚟越多。現在的情況就好像是「無論恆指大升或者大跌，全日的成交金額，都是保持低迷」，如果，今個月的某一天，總成交金額，跌穿$2,000億港元，唔知大市會有咩迴響呢？真係好想知道。

今天 (2026年8月17日，星期一)，恒生指數升了336點，收報25,453點，成交金額萎縮至$2,107億港元。大市到底有咩隱憂呢？越嚟越多企業來香港上市，又話經濟增長得非常之好，照道理，股票市場應該好興旺才對，但是現在看下去，同我們的估計有出入。難道真的是「宏觀經濟數據是一盤數，微觀經濟數據又是另一盤數?」，可以無關連的嗎？太有趣了。

看看以下這張圖，恒生指數現在徘徊在「Average」的水平，好難估，所以都係唔好多手，亂咁做投資。況且最近有消息，中國裏面的投資環境，唔係咁好，數據聽講幾差，有機會再同大家分享。

News 3: 甲骨文 (ORCL)要長線投資才有好回報

我翻查過往投資美股的資料，原來我早在2021年，已經開始投資在甲骨文身上，我肯定在它身上賺到錢。你知道當時的價位嗎？在2021年至到2022年年初，甲骨文的股價徘徊在$75-$94美元之間，當時投資在這間公司身上，沒有壓力，炒得好開心。但是突然間，其股價開始飆升。到了2025年第四季，當時的股價已經在$280美元或以上，我亦都有做買賣，但是沒有以前那麼輕鬆，而且有一段時間虧損嚴重。點解？

原因便是甲骨文和OpenAI合作，大量投資在AI數據中心身上，起好之後，再租給OpenAI，賺取租金。因為呢一單生意，涉及銀碼非常之龐大，首先甲骨文要作出巨大投資，但是它的現金流，唔能夠支付咁龐大的AI基建投資，所以需要舉債，最終變成現金流負數的情況。其實，甲骨文本身的生意一向都好穩定，絕對有賺錢能力，絕對有盈利增長。不過正如我剛才所講，投資實在太龐大。如何龐大？ 據說和OpenAI簽訂的合約高達$3,000億美元。市場因此擔心，OpenAI根本未有賺錢能力，有冇能力將這張合約在將來履行呢？如果冇，咁甲骨文所投資的AI數據中心點算好呢？

因為市場的強烈不安，在2026年7月，標準普爾突然下調甲骨文的信貸評級至到BBB-的水平，所以它的股價亦都從天上跌落地獄。2025年9月中，甲骨文股價衝上歷史高位，達$345美元，之後惡夢便開始了，股價一直向下跌，最低跌至2026年7月27日，最低一口價$114.5美元，足足貶值了近67%，問你怕未？哈哈

甲骨文老闆Larry Ellison的財富跌至全球第八富豪，落後於Nvidia的黃仁勳。因甲骨文 (Oracle)股價持續數月下跌，令公司主席的財富縮水，從全球富豪榜前列滑落。Larry Ellison的淨資產估計為$1,926億美元，這意味著自6月2日曾位居全球第二富豪以來，Larry的財富已蒸發$1,040億美元。

甲骨文的訂單積壓已膨脹至$6,380億美元，但其中逾半與 OpenAI 有關，部分分析師警告這些資金未必能完全落實。一句講晒，甲骨文本身有一定嘅實力，我從不懷疑。不過因為今次玩到咁大，可以說是「成也OpenAI，敗也OpenAI」，它現在的股價徘徊在$150美元左右，我希望再增持多啲，不過要等它的壞消息再度出現，才會繼續增加股數，我對它有一個微妙的感覺，相信它的股價可以重回$200美元以上，俾啲時間，來證明我的睇法是對的。

後語

由於我的YouTube頻道，被封鎖了賺錢能力，現在一毫子都賺唔到，但係我又想同大家見面，所以就寫下散文，一來可以抒發一下，二來都仲有微博的廣告收入。所以在此希望各位俾面，睇吓文章之餘，幫手按一按文章附近的廣告，希望咁樣可以得到少量的廣告費，多謝大家幫忙，感激不盡！