長和系列(三): 超人戲法變千億

大家可能對李嘉誠家族成員不太清楚，請看下圖

李澤鉅有3女1子。大女應有17、18歳了。至於細仔，可能只有7、8歳。李澤鉅一家相當神秘、低調。都目前為止仲未有人可以影到李澤鉅仔女嘅相。亦有很多人根本講吾出佢老婆個名。李澤鉅老婆個名叫王富信。兩人結婚之後，生足三個，都係女。係潮州人嘅傳統來講，冇仔係吾得嘅。有個笑話：傳聞話王富信生極都係女嘅？李嘉誠把幾火既請了城中出名風水師幫王富信改名叫做王儷橋，之後便真係生咗個仔叫李長根。呢個孫仔將來就會是長和系嘅第三代接班人。

至於李澤楷雖然冇結婚，但同一位明星叫梁洛施（Isabella)一共生咗三個仔。生完之後兩人便分開了。可惜呢三個孫仔都吾能夠留响李嘉誠身邊。根據李嘉誠嘅分身家論，李澤楷應該可以分到過千億元，加上自己財富，將來呢3個仔應該每人可以分到幾百億，吾使憂。

有人問點解李嘉誠個花名叫做超人？原因好簡單，因為人哋做唔到嘅嘢，佢都可以做得到，能人所不能，所以佢叫超人。亦都有人話李嘉誠係一位魔術師。因為佢能夠將左袋嘅10蚊同右袋嘅10蚊換來換去，最後可以變出40蚊來。而一個活生生的例子（重組長實及和黃）便放在我們面前。見下圖（由蘋果日報提供）

圖嘅左邊係重組前兩間公司嘅市值，大家可以見到長實（001）當時市值係$1,029億元，而和黃嘅市值更大達$3,726億元。兩間公司加埋總值係$4,755億元。我有個朋友，佢係會計師，佢好識得投資，佢經常講長實同和黃係兩間超值錢的公司。李嘉誠亦都知道佢呢兩日公司係非常之值錢，但係點樣可以將兩間公司嘅真正價值釋放出來，就要睇佢變魔術。喺圖嘅右手邊，你可以見到係重組之後嘅兩間公司資產沒有任何變動過。但係價值就變得好緊要。

例如長實市值由$1,029億元暴漲至$4,555億元。和黃則從3,726億元變成$2,860億元。兩間公司加起嚟總市值為$7,455億元。超人將兩間公司所蘊藏的價值盡數釋放出來。兩間公司一共釋放咗$2,660億元。呢個就係我所講嘅超能力。兩件資產係超人手裏左調右調，便能釋放價值，創造奇蹟。

到底$2,660億元是一個咩概念？我可以俾大家想像一下。

$2,660億元可以買起一間恒生銀行（011），現有市值係$2,653億元。

$2,660億元可以買起1.34間中華電力（002），現有市值$1,988億元。

$2,660億元可以買起1.43間公司煤氣公司（003），現有市值$1,864億元。

$2,660億元可以買起1.07間香港港鐵MTR（066），現有市值$2,483億元。

假設太古城一個單位值$2,000萬，$2,660億元足足可以買起13,300個單位。

假設起一個公屋單位要200萬，$2,660億元足足可以起133,000個單位，馬上解決輪候上屋問題。

釋放出來嘅$2,660億元，李嘉誠佔重組後新公司約三成股權（30.15%）都有$800億元落袋。不過，有一個更有趣嘅問題出現了，就係究竟邊個諗到呢條絶世屎橋出嚟呢？一共有兩個版本。

第一個版本話係啲投資銀行諗出嚟嘅，然後再將呢條橋推薦比李嘉誠去考慮。呢個可能性是有的，因為投資銀行可以因此作為重組的代理人，從中可以賺到重組費，大約一、兩億元左右。而且將來可以同長和集團有更緊密的關係，生意長做長有。

第二個版本話係集團內部自己諗出嚟嘅。呢個問題就更加有趣啦！到底係邊個諗到呢條屎橋呢？呢啲咁高層次的計劃，斷估，唔會係清潔阿嬸諗出嚟掛！在重組記者會上，霍建寧被問到邊個諗出黎嘅。佢就咁講：「半年前突然有個叻仔諗到出嚟」。佢冇指名道姓，耐人尋味。講真，呢啲咁重大嘅決定，係集團裏面能夠諗到嘅話嘅人大約有三個。第一個李嘉誠自己，第二個係霍建寧，第三個係李澤鉅。讀者們，你哋覺得是邊個諗出來的？

分析：係李嘉誠自己？應該唔係。因為霍建寧上面所講嘅話已經否定咗係李嘉誠。如果係李嘉誠諗出嚟嘅，霍建寧應該會係記者會度大大聲講係佢老闆諗出嚟嘅。何必咁閃宿回答問題。

係霍建寧自己？應該唔係。從個人利益作為出發點，重組一事雖可令到集團釋放價值，但呢個價值李嘉誠係唔會卑霍建寧任何嘅花紅。其實，霍建寧亦冇理由諗呢條計仔出嚟害自己。何解？

因為兩間公司合併咗之後，即係話李澤鉅會插手和黃嘅業務。霍建寧唔係傻仔，冇理由肯卑李澤鉅插手自己嘅業務。雖然話霍建寧係李嘉誠個契仔，但係始終唔係親生仔，將來合併後，如果同李澤鉅有咩衝突，你估李嘉誠會幫邊個吖嗱？

咁即係條橋係李澤鉅諗出嚟嘅。就算不是李澤鉅本人諗出嚟嘅，也應該是他馬房的人諗出來的。因為佢會係重組後嘅最大得益者。第一，李嘉誠講過以後成個集團都會畀晒李澤鉅。所以公司重組、釋放價值對佢最為有利。第二，和黃裏面有好多重要資產，一直都係霍建寧幫手管理。若要全面接管整個集團，和黃必須要得到手。到時再將霍建寧一腳踢走，咁整個集團就會正正式式成為李澤鉅同佢得力助手嘅天下。

預告：下一篇文章，我哋將會計一計長和（001）嘅總是市值同埋影響範圍。究竟李嘉誠旗下的業務將來會不會做得更大呢？定係隨着李澤鉅嘅接手慢慢步入衰退呢？作為現有長和嘅小股東丶同埋將來想投資係李嘉誠股票嘅投資者，一定要小心去理解長和既業務，咁先至能夠達到長遠及獲得更大利益。下一篇文章預計出版日期係9月22日2016年，敬請各位讀者多多支持。

***** 本文完 *****