長和系列(一): 長和新世紀

2015年是李嘉城的重要一年，因為他再一次將長和系公司重組合併。2015年1月，長和系宣佈長江集團將會和和記黃埔合併。合併後新公司叫長江和記實業有限公司，股票代號不變，依然是001。為了讀者容易記住，我們在這簡稱它為『長和』。長和是一間業務遍佈全球的大型跨國綜合企業。在全球50多個國家經營多元化業務，僱用超過27萬名員工。

以下是長和重組後的股權分佈圖：

李嘉誠家族其實只有三個人就係佢自己同埋兩個仔（大仔李澤鉅，細仔李澤楷）。

以下是李嘉城三仔爺照片(左:李澤鉅, 右:李澤楷)

李嘉誠（又名李超人）現任長和集團主席，今年88歲。其家族主要持有2間在香港上市的公司：長和（30.15％）和長江地產（1113）30.15%。在2016年的福布斯 (Forbes) 世界富豪榜裡排名20。身家大約2,100億港幣，但係我哋保守估計相信佢嘅財富應該有港幣3,000億左右。

超人有兩位公子，大仔李澤鉅（又名小超人），今年51 歲，於2015年1月9日獲委派為本公司執行董事、董事總經理兼副主席。小超人於1985年加入集團，幫老父打天下，在2015年的世紀重組後，超人已經放下權力亦都確認小超人將會係佢嘅接班人，最終，小超人便成為集團既話事人。

至於二公子李澤楷（又名小小超）並冇係超人嘅集團裏面工作，反而佢响外邊搞電訊同保險業。保守估價，小小超個人身家達港幣360億。在2016年的 Forbes世界富豪榜裡排名317。

其實與其話呢次超人重組集團係佢人生裏面最後一次為集團長遠發展鋪路，不如話係俾大太子小超人接班，而且呢次接班亦都非常順利。亦都有人話超人呢次重組集團係想撤離香港，我喺同意呢個觀點，因為超人係中國政府心目中嘅地位已經冇以前咁重要。自從習近平上場之後，一路都冇太過重視李嘉誠，呢㸃李嘉誠自己係知道嘅。但係同時我亦有一個比較更正面嘅想法：超人自己係香港已經做咗10幾20年嘅香港首富，已經係獨當一面，冇人可以威脅佢，但係畢竟自己年時已高未必再有魄力為集團長遠發展而籌謀。

小超人都50歲啦，做事亦多夠穩重，我諗李嘉誠都希望佢間公司可以成為真正國際知名的集團。所以超人佢趁住依家仲有能力，就幫小超人鋪埋最後呢一條國際大路。

另一個原因可能超人知道自己個仔係中國未必會得到啲咩好處，而且大陸官場人士複雜，超人驚自己個仔未必能夠係呢種重複雜嘅環境之下生存。倒不如搵一個制度更加健全的地方去發展仲好。所以超人近年不斷係先進國家投資，其中以英國投資得最利害。保守估計李嘉誠透過集團係英國嘅投資金額超過3,000億港幣。

下一集，我哋會繼續去了解重組後集團嘅架構，同埋發展狀況。了解一間公司越多，對投資超人集團嘅股票就更有信心。