Posts
News 1: 港鐵 (0066)將會慢慢衰落
大家如果有喺YouTube睇我啲片，都知道我唔係咁鍾意港鐵，原因有好多。政治嗰方面就唔講啦，不過企喺投資角度，港鐵經常都要和政府配合去發展鐵路網絡。每一條新鐵路線，投資金額都非常之龐大，我極度懷疑這些投資，將來能否收回投資成本。而且營運一條鐵路，營運成本不輕，新鐵路線落成之後，如果客量唔夠，蝕到蝕死佢。反正香港仲有好多傳統靚股，除非你對港鐵特別鍾情，否則我會勸喻大家不要碰這間公司。一時半刻，這間公司的股價不會有太大問題，但係長遠來看，我相信它的股價會慢慢衰退。
我還記得幾年前和一位朋友出來飲茶，當時朋友已經提及要投資港鐵，佢問我好唔好投資，我就反問返佢，點解佢要投資港鐵？然後叫佢列舉幾個要投資的原因。我朋友最終講嚟講去，都講唔到一個重點原因點解要投資港鐵。只係話港鐵夠大間公司，係人們的必需品，交通方便等等原因。
首先，港鐵夠大間，是對的。因為港鐵的大股東就是香港政府。港府現在持有港鐵74.45%，所以話佢係一間國家企業，我完全唔反對。以前的港鐵，即係政府還未太深入插手港鐵的營運前，感覺上它仍能夠獨自營運，做一些合乎投資邏輯的決定。但現在，我看不到這一點。只看到為了要配合國家的什麼什麼發展大計，所以港鐵也要配合的去大量投資。這種盲目的投資，後遺症很多。我最起碼知道，有機會連投資成本都收唔返。
最近港鐵和香港政府達成一項和解協議。呢個和解協議是有關於高鐵 (香港段)工程延誤，最終港鐵賠償$22.5億港元，作為和解。我睇咗呢段新聞之後，覺得非常好笑。本身港鐵就係香港政府，香港政府就係港鐵，賠不賠錢，重要嗎？不過在法律層面上，係要解決問題嘅，好了，現在港鐵賠錢了事，不是很好嗎？只不過，賠償金額將會入帳，將會反映在財務報表上，所以如無意外，港鐵的業績將會因為呢次嘅賠償而倒退。
港鐵在2025年，一共賺了$153億港元，和2024年比較，有輕微的倒退，但不算嚴重。我奇怪的是香港政府每日都話大批大批的內地遊客來香港旅遊，數字還不斷創新高。如果在這情況下，即使這班內地旅客不在香港作其他消費，搭下港鐵呢啲最基本嘅消費，都要卑啩，所以理論上票務上的收入應該很好。又或者整體上嚟講，港鐵的盈利應該要有輕微的增長，話晒政府亦都話香港地產市道開始好返。
2026年上半年，港鐵盈利竟然高達$159億港元，增長超過一倍，點解咁勁呢？原來係因為物業發展嘅利潤，由上一年度的$55億港元，大幅增長到$122億港元，所以令到今年上半年績好起來。這樣也好，盤數靚仔啲，扣除剛剛和政府達成的和解協議，可能今年業績上又有機會不會倒退。你可能會說，剛剛你才說今年業績會倒退，現在又話不會倒退，到底怎樣搞？不如這樣說吧，今年上半年的業績好，全因為物業發展所帶來的利潤，其實本身車務業務只係得輕微增長，假如地產市道突然間轉差，整間港鐵的利潤將會變得非常之微小，甚至我估計未來日子裏面，有機會睇到港鐵虧本一點也不出奇。
我們在回顧高鐵的投資項目吧。原本起高鐵香港段的最初造價是$650億港元，後來因為工程延誤，成本超支，在2015年，向政府追加撥款$194.2億港元，最終高鐵香港段於2018年9月通車，而最終造價是$844.2億港元。如果以路線長度計算，香港段全長約26公里，$844.2億港元相當於平均每公里約$32.5億港元。這亦是當時社會討論高鐵成本時經常引用的指標。一個項目投資了$844億港元，如果以回報率5%來計，呢個項目每年應該要帶來$42.2億港元的利潤。大家估計下，在高昂的營運費用之下，高鐵要每年賺到$42.2億港元，難度大嗎？自己想想。
反而問問AI，有關於高鐵香港段的營運狀況，有以下的資料提供。第一：平均每日約 10.85萬人次用了高鐵香港段的服務。第二：港鐵並沒有在公開年報中單獨披露高鐵香港段最新年度盈利數字，所以我們根本不知道，高鐵香港段的最終營運狀況。不過我哋可以推論一下，例如，由香港西九龍去到深圳北，高鐵收費$75港元，路程35公里，其中香港段佔26公里，如果我以公里來拆賬，香港港鐵應該可以收到$55元。其實旅客由香港出發去到中國任何一笪地方，最終計算香港呢一段，香港都係會收到$55港元左右。試問投資了$844億港元，最終每位乘客只會收到$55港元，能收返成本嗎？還是搵一隻更值得投資的股票吧！
今日突然間聽到一段新聞，話台灣加權指數再創歷史新高。今天台灣股市升了2.5%，還差不到300點，便能突破50,000點，實在太過分啦，不過我開心，為什麼呢？原因很簡單，因為我買咗台積電 (TSM)的股票，台灣加權指數有半壁江山的貢獻是來自台積電。換句說話來說，台積電就是台灣股市，台灣股市就是台積電。其實唔單止台積電厲害，台灣仲有好多科技公司，一樣係超級無敵，遲啲會一間間咁爆出嚟，台灣嘅股市，如果冇政治嘅困擾，相信可以做得更好。
睇返我哋香港呢一邊，日日都有一班管理層及高官，出嚟認屎認屁，又話我哋香港國際金融中心，點勁、點好，事實上真的是這麼好嗎？我哋又嚟探討一下。
明報有以下的報道：本港今年新股市場火熱，據統計，今年本港首三季IPO集資額$3879億元，預期全年將迎來約160隻新股上市，全年集資額有機會達到至少$4,800億元。按此預測，已超越2010年集資額約$4,450億元的歷史高位，在16年後有望迎來新的歷史高峰。不過踏入第三季，新股登場後表現則與爭相上市的盛况「冰火兩重天」。
另外，陳茂波在網誌中表示，國慶黃金周的首三日已有超過73.2萬內地旅客人次訪港，按年增加約8.4%。不少食肆和商舖，特別是旅遊區的商戶，生意錄得增長。可能一個香港有某地區，例如尖沙咀、旺角遊客比較多，有生意做，但整體來說，香港仍然有好多食肆執笠，相信執笠嘅速度比開舖頭嘅速度仲要快。不過算啦，既然佢老人家話香港好，我哋咪照聽囉，反正我哋嘅體感就唔係呢一回事啦，哈哈！
有波叔喺度，又點會淨係講香港旅遊情況，他又稱，本港金融市場亦持續活躍。今年首九個月港股平均每日成交額$2,729億元，按年增長6.4%。
不過，阿波叔都擔心美國長期債息升至24年高位，讓投資者對環球經濟前景有所顧慮，港股氣氛最近亦難免受到影響，不過佢話呢啲係短期喎，香港和中國最新佈局，完全係前途一片光榮，你又信唔信？
貿發局主席馬時亨表示，今年6月與行政長官李家超訪問哈薩克後，當地宣布鐵路公司將來港上市，對香港而言是首次，亦是好事，又指當地主權基金旗下企業有興趣來港利用香港金融中心及資本市場集資。
他指，除中亞外，另有8間一帶一路國家的公司已向港交所(388）遞交上市申請，至今差不多有100間相關企業已在香港上市，市值$3,400億港元。他提到，貿發局已在哈薩克阿拉木圖設有顧問辦事處，將增加人手應付較活躍的資訊及生意往來。
馬時亨指，香港出口非常強勁，今年首8個月出口增長超過4成，貿發局最近將出口預測上調至42-47%。他認為，中美關係改善有幫助，香港會繼續在人工智能及半導體領域做好生意。
既然上面這班高官講到我哋香港咁有層次，咁有辦法搵到咁多生意返嚟香港。理論上我哋香港嘅恒生指數，冇100,000點，都起碼有50,000點啦！而事實上呢？係50,000點再腰斬都冇呢個數字，所以呢篇文章形容香港嘅恒生指數，係米高積遜的Moon Walking，點解？因為米高積遜表演呢個月球漫步淨係嘅時候，假象係向前行，實際上係向後退，同我哋嘅港股不謀而合。
在 2021 年底（即當時全球股市處於牛市高位期間），香港、台灣和南韓三地的股市總市值以美金計大致如下:
1. 香港股票市場 (HKEX): 約 $5.4萬億美金。2021 年初港股曾創下近年高位 (恒指升至 31,183 點)。
2. 台灣股票市場 (TWSE / TPEx)：約$2.2萬億至 $2.4 萬億美金。2021 年受惠於疫情期間全球對電子產品、晶片及供應鏈的強勁需求，台股 (加權指數)進入強勢牛市。
3. 南韓股票市場 (KOSPI / KOSDAQ)：約 $2.1 萬億至 $2.2 萬億美金。2021 年南韓股市在散戶入市潮 (如三星電子及 Kakao 等熱門股帶動)及全球散戶熱潮下，KOSPI 指數一度突破 3,300 點歷史高位。
今天2026年10月，這三個股市場，總市值出現了什麼變化呢？請大家繼續看下去。
根據最新公佈的市場統計數據 (換算為美金):
1. 香港股票市場 (HKEX)：約$6萬億美金。近年咁多公司嚟香港上市，過咗咁多年，原來個總市值都會增加咗$6,000億美元左右，實在增長得太少啦。
2. 台灣股票市場 (TWSE / TPEx): 約$5萬億美。 增長超過一倍，犀利！近年受惠於全球AI產業熱潮及半導體供應鏈重組，在台積電 (TSMC)等權重股引領下，總市值顯著提升。
3. 南韓股票市場 (KOSPI / KOSDAQ): 約$4.4萬億至$4.5萬億美金。和台灣一樣，增長幅度超過一股，一樣咁壯觀。主要由三星電子 (Samsung Electronics)與 SK海力士(SK Hynix)等記憶體與 AI 晶片巨頭帶動，市場集中度較高。
總結，不論怎樣都好，如果台灣和南韓繼續以高速的資本增長，相信2027年，香港嘅總市值，首先會比台灣超越，一個唔覺意，甚至連南韓的股市市值，都有機會贏埋香港。到時我哋嘅香港，所謂嘅亞洲四小龍，恐怕只能夠和新加坡爭奪末席位置，唔知到時香港呢班高官，又會用咩形式去表揚香港？他們可能會說「雖然香港排在末席，但仍然是亞洲四小龍，仍然是亞洲區的國際金融中心，香港冇輸到，一樣咁掂，因為我哋有一個強大的祖國作為我哋嘅後盾，冇得輸。」如果佢哋真係咁諗，咁就係所謂嘅Moon Walking（不進則退），真搞笑！
後語
由於我的YouTube頻道，被封鎖了賺錢能力，現在一毫子都賺唔到，但係我又想同大家見面，所以就寫下散文，一來可以抒發一下，二來都仲有微博的廣告收入。所以在此希望各位俾面，睇吓文章之餘，幫手按一按文章附近的廣告，希望咁樣可以得到少量的廣告費，多謝大家幫忙，感激不盡！
加油，繼續努力
ReplyDelete